Taal Keuse:

Afrikaans Taal

Engels Tweede Taal

Verpligte vakke – Bevorderingsvakke

Wiskunde, Algemene Wetenskap, Sosiale Studies

Nie-bevorderingsvakke:

Lewensoriëntering

Keusevakke:
Kies een uit elk van die twee groepe as ‘n keusevak vir jou graad.

Groep 1:

1. Gasvryheidstudie
2. Tegniese Tekeninge
3. Duits

GASVRYHEIDSTUSIES

Gasvryheidstudies is ‘n vak wat uit voedselproduksie (sjefopleiding) en voedseldiens (kelnerwerk) sowel as hotelorganisasie en bestuur bestaan. Die vak is ‘n lewensvaardigheidsvak met ‘n sterk praktiese komponent.

OF

TEGNIESE TEKENINGE

Hierdie vak is ‘n suiwer tekenvak, waar die kind ‘n interessante blik in die tegniese wêreld kry en waar hy betrokke raak met die teken van ‘n wye spektrum van komponente.
Tekeninge wat aanvanklik in graad 8 begin met ‘n inleiding tot tekentegnieke en –konstruksies en eindig in graad 12 met die volledige teken van masjienonderdele tot volledige huisplanne.
Die ideale vak om u kind voor te berei vir Ingenieurswese, Argitektuur en selfs net as tekenaar. RGO (rekenaargesteunde ontwerp) vorm deel van die pakket vanaf graad 10, waar elke tekening met die hand en met die rekenaar geteken moet word. Ter afsluiting, in graad 12, word volledige ontwerpe en tekeninge gedoen wat al die verworwe hand- en rekenaarvaardighede assesseer en die kind voorbereid in bogenoemde rigtings uit stuur.

OF

DUITS
Die vak Duits is die eerste drie jaar daarop gerig om die leerlinge ‘n goeie basis te gee om die taal te praat. Reeds aan die einde van Graad 8 kan leerlinge basiese gesprekke voer, skryf en lees. Leerlinge kry woordeskat wat hulle moet leer. Dit word dan skriftelik en mondeling geoefen. Duits is leerbaar, iets nuuts en ‘n bonus in ons land. ‘n Leerling wat Duits neem, moet bereid wees om elke dag sy woordeskat te leer, gemotiveerd en passievol klas toe te kom.

Groep 2:

1. Rekeningkunde
2. Entrepreneurskap